Hoxe tiveron lugar as mangas clasificatorias do Campionato do Mundo de Slalom Olímpico que se está a celebrar na canle Olímpica de Lee Valley, sede dos Xogos Olímpicos de Londres 2012. En categoría C1 HOME SENIOR, o noso padexeiro de Alxén Daniel Pérez, do Penedo Teimporta, foi a por todas dende a porta 1 do primeiro descenso. Logo de pequenos erros na primeira manga clasificatoria, Daniel Pérez viuse destinado a correr a manga de repesca, donde só os 10 primeiros obteñen billete para a semifinal. Daniel, a pesares de realizar unha veloz manga, veríase clasificado no 12º posto da repesca logo de ter unha desafortunada penalización na porta 1 do recorrido. Deste xeito, o noso padexeiro de Alxén quedou no posto 32º, sendo tan só unha penalización de 2 segundos o que separou ao canoista do Penedo Teimporta da ansiada semifinal.

A temprana idade de 19 anos, Daniel Pérez acumula outro Campionato do Mundo as súas costas, con importantes actuacións como a presente que de seguro alimentarán grandes resultados futuros!

Dende o Penedo Teimporta non nos podemos sentir máis orgullosos desta representación! Grande Dani!